sub1SELECT imagen FROM sub_secciones_web WHERE id='23'
Facebook
Twitter
Youtube
App Móvil

Esposición permanente

Área 3. Cazadores y artistes

Les escavaciones arqueolóxiques feches en la Cueva dende'l so descubrimientu revelaron una ocupación bien intensa de Cueva d’El Pozu’l Ramu, mientres les fases más recién del periodu Magdaleniense, esto ye, hai ente 15.000 y 11.000 años.

Nesti área, dedicada a los autores del arte paleolíticu, espónense reproducciones de les pieces más importantes atopaes nel xacimientu de la Cueva. Arrexúntense según la so temática: costura, pesca, caza, adornos, etc.

L'interés que presenta esta colección de pieces ye que s'iguaron con materies primes orixinales (güesos, cuernu, piedra...), a lo que s’amiesta la oportunidá de contemplales tal cual salieron del artesanu paleolíticu

Destaca de manera singular l'arte mueble de la Cueva d’El Pozu’l Ramu. Atopáronse adornos como conches, preseos ricamente decoraos como arpones, azagayes, banielles o espátules, y plaquetes de piedra grabaes con motivos asemeyaos a los atopaos nes parés de la cueva.