Facebook
Twitter
Youtube
App Móvil

Encamientos na visita al Centru d´Arte Rupestre Tito Bustillo pa embrivir los riesgos andada del Covid-19

El Centru d´Arte Rupestre Tito Bustillo adaptó les sos instalaciones y servicios pa contribuyir a embrivir los riesgos d´andada del virus COVID-19. Pa ello tuvo en cuenta les distintes instrucciones y encamientos ellaboraos pol Ministeriu de Sanidá y l´Institutu de Calidá Turística. Esti postreru desenvolvió una guía específica pa Museos y Sitios Culturales a pidimientu de la Secretaría d´Estáu de Turismu na que collaboraron distintos axentes sociales, espertos y entidaes culturales.

Antes de visitar el Centru d´Arte Rupestre Tito Bustillo:

  • L´aforu del equipamientu va ser amenorgáu conforme a la normativa vixente, polo que s´encamienta l´alquisición de la entrada online al traviés de la web o del serviciu de venta telefónica al traviés del teléfonu 985 185 860, disponible de llunes a vienres de 10:00 a 14:00 hores.
  • Ruégase puntualidá y ye imprescindible allegar dientro del horariu reserváu pa cumplir col aforu.
  • La visita al equipamientu va ser llibre. Pónense a disposición del públicu los siguientes documentos dixitales:
  • La visita va ser individual o familiar, nun tando permitidala visita en grupu.
  • Nun se van realizar actividaes culturales y didáctiques presenciales. El Centru cunta con una programación recurrente online pa tolos públicos (talleres, cuentacuentos, emisión d'audiovisuales y xuegos y pasatiempos didácticos). Consulte los apartaos d'axenda y noticies de la nuesa web www.centrotitobustillo.com
  • Temporalmente nun tán disponible la Sala de Consulta nin l’Área 6.
  • Pa la protección personal encamiéntase l´usu de mázcara.

 

El día de la visita:

  • Caltenga la distancia de seguridá interpersonal (ente unidá familiar o de convivencia) d´un mínimu de dos metros en tou momentu.
  • Siga´l percorríu encamentáu pa la visita y circule preferiblemente pola derecha.
  • Aconséyase´l pagu con tarxeta de creitu en tolos servicios del Centru.
  • Empreste atención a les indicaciones y encamientos detallaos na cartelería informativa.
  • Ruégase nun tocar les superficies y vitrines.
  • L´usu del ascensor ta llimitáu a una persona, quitando nos supuestos de persones que puedan precisar asistencia.
  • Siga los encamientos hixénico-sanitaries nel usu de los aseos.
  • Nos accesos a recepción, tienda y baños va disponer de dispensadores de xel desinfestante.
  • Disponemos de guantes d´un solu usu pal so usu de taquilles y tienda. Nun ta permitío tocar los productos. Solicite ayuda al asistente.
  • Mientres el percorríu ponemos a la so disposición papeleres con tapa y pedal pa la xestión de los sos residuos.
  • Recurra a los nuesos asistentes pa cualquier dulda o consulta. Tamos p´ayudar.

 

Recordatoriu de midíes hixénicu-sanitaries:

  • Realice una hixene de manes frecuente (llaváu con agua y xabón o soluciones alcohóliques).
  • Caltenga 1,5 metros de distancia interpersonal.
  • Al tusir o espirriar, cubra la boca y la ñariz con pañuelos desechables o col coldu flexionáu.
  • Evite tocar los güeyos, la ñariz y la boca, una y bones les manes faciliten la so tresmisión.
  • Si presenta dalgún síntoma (fiebre, tos o dificultá respiratoria y amás dolor muscular o de cabeza), llame a los teléfonos 984 400 100 – 900 878 232 o al 112.

 

#TitoBustilloenCasa

El Centru d'Arte Rupestre Tito Bustillo dispón de munchos recursos dixitales a la so disposición que s'actualicen de contino en: www.centrotitobustillo.com

 

Amás, puede siguir tola información rellacionada col Centru y la Cueva de Tito Bustillo en:

 

Contacta col Centru