Facebook
Twitter
Youtube
App Móvil

Compra d´entraes

Talleres especializadas

Condiciones xenerales 

  • La compra d´entraes de grupos de más de 20 persones tien que se facer al traviés del teléfonu d´información y reserves 902 306 600 / 985 185 860 o nel corréu electrónicu reservasturismoycultura.asturias.es
  • Primero de sacar la entrada consulte les tarifes y los horarios. Ye obligación del veceru llegar en tiempu de sobra pa poder realizar la visita de forma afayadiza.
  • La entrada va ser válida namás pal día indicáu na entrada. Nel casu de recintos con xornada partida, la entrada namás va ser válida pa la mañana o pa la tarde.
  • Nun s´almiten devoluciones nin cambéu d´entraes por cancelación del veceru o por nun llegar cola antelación necesaria. Tampoco nun s´almiten cambeos de fecha nin cambeos na tipoloxía d´entrada.
  • Ye obligación del visitante tener la entrada a lo llargo de tola visita.
  • Les entraes adquiríes con descuentu o tarifa especial van tener que xustificar esti derechu con un documentu acreitativu nel accesu al recintu. En casu de nun presentar la xustificación correspondiente, nun va tener validez.
  • Nun se va volver la entrada en casu de perda, deterioru, robu o destrucción.
  • La organización nun garantiza l´autenticidá de la entrada si nun s´adquirió nos puntos oficiales de venta.
  • Al llegar al recintu, el públicu va poder sometese a un rexistru según la llei. Nun ta permitío entrar con oxetos que puedan considerase peligrosos pa la organización, amás del accesu con maletes o otros oxetos de gran tamañu. Acútase´l derechu d´almisión.
  • Los neños tienen de dir acompañaos en tou momentu d´un adultu al so cargu (nun siendo cuando se tean desenvolviendo actividaes infantiles).
  • La organización acuta pa ella´l derechu d´alteriar o modificar la programación d´eventos en cada recintu. En casu d´anulación, la organización comprométese a la devolución del importe de la entrada.
  • Les entraes nun incluyen l´accesu a determinaes actividaes complementaries como pueden ser talleres didácticos o esposiciones temporales que pueden tener un costu adicional.

 

Información importante pa la visita al Centru d´Arte Rupestre 

  • La compra de la entrada Visita Centru d’´rte Rupestre nun incluye la entrada a la Cueva d´El Pozu´l Ramu.
  • El miércoles ye´l día d’accesu gratuitu pa ver la esposición permanente. Hai que retirar les entraes siguiendo´l mesmu procedimientu que pa los díes de pagu; otres actividaes como los talleres didácticos tienen el costu habitual. Asegúrese de realizar la compra pal eventu deseáu.
  • Nun ta permitío l´accesu con mascotes.
  • Nun ta permitío fumar.
  • Nun ta permitío introducir bébora o comida.
  • Ta permitío sacar semeyes dientro del Centru d´Arte Rupestre.
  • La Cuevona d´Ardines pue visitase ensin costu adicional cola entrada al Centru d´Arte Rupestre de Tito Bustillo o cola entrada a la cueva d´El Pozu´l Ramu. Desque s´adquier la entrada, nun s´asegura en nengún casu la visita a La Cuevona. Los pases axudíquense por orde rigorosu de llegada de magar s´abre´l Centru hasta completar les places disponibles nel día.
  • Pa la realización de talleres ye imprescindible dirixise al área de recepción 15 minutos primero.
  • Al presentar la entrada nel Muséu del Xurásicu d´Asturies o nel Parque de la Prehistoria de Teberga, va aplicase la tarifa reducida.

 

Información importante pa la visita a la Cueva d´El Pozu´l Ramu

  • Abierta del 4 de marzu al 1 de payares de 2020.
  • La compra d´entraes pue realizase online y de manera presencial na recepción del Centru d´Arte Rupestre. La visita ta acutada a un númberu máximu de 150 persones al día, polo que nos periodos de máxima afluencia ye imprescindible realizar la compra online de les entraes con muncha antelación.
  • El miércoles ye´l día d´accesu gratuitu. Hai que retirar les entraes siguiendo´l mesmu procedimientu que pa los díes de pagu. Si nun van asistir, ruégase que lo comuniquen nel 902 306 600 / 985 185 860 o nel corréu electrónicu reservas@turismoycultura.asturias.es
  • Les visites son namás guiaes en castellanu.
  • Imprescindible máxima puntualidá. El veceru tien de dir a la recepción del Centru d´Arte Rupestre de Tito Bustillo, asitiáu a 300 metros de la entrada a la Cueva, polo menos con 30 minutos d´antelación al respective del horariu del so pase pa identificar les sos entraes. En casu contrariu va perder el derechu d´entrada.
  • La edá mínima p´aportar a la Cueva ye de 7 años.
  • Desaconséyase la visita a persones con dificultaes de visión o movilidá.
  • Aconséyase l´usu de ropa d´abrigu y calzáu afayadizo, porque se trata d´un terrén enllamorgao, húmedo y esbarioso. La temperatura interior na Cueva ta alredor de los 13 ºC.
  • Nun ta permitío sacar semeyes nin filmaciones dientro de la cueva d´El Pozu´l Ramu nin introducir bébora o comida.
  • Nun ta permitío fumar.
  • L´accesu de mascotes nun ta permitío.

 

Información importante pa la visita a La Cuevona d’Ardines

  • La Cuevona d’Ardines pue visitase ensin costu adicional cola entrada al Centru d’Arte Rupestre de Tito Bustillo.
  • Pa visitar La Cuevona pue retirase la invitación online namás en dos horarios: 12:30 y 16:15 hores. Los demás pases disponibles nel día van ufiertase na recepción del Centru d’Arte Rupestre. Estos pases axudíquense por orde de llegada rigorosu de magar abre’l Centru hasta completar les places disponibles pa esi día.
  • Si retiró la invitación pa ún de los dos horarios disponibles online (12:30 o 16:15 hores), tien que presentar amás la entrada pa visitar el Centru d’Arte Rupestre. En casu contrariu la invitación pa visitar La Cuevona nun va tener nenguna validez.
  • Avísase de que p’acceder a La Cuevona ye menester xubir 300 escalones.
  • Les visites tán llimitaes a un númberu de 20 participantes por pase.
  • Nun ye compatible la visita a La Cuevona d’Ardines cola visita a El Pozu’l Ramu nestos turnos: la visita de La Cuevona d’Ardines de les 12:30 hores nun ye compatible cola visita a El Pozu’l Ramu de les 11:45 nin de les 12:30 hores; la visita de La Cuevona d’Ardines de les 16:15 hores nun ye compatible cola visita a El Pozu’l Ramu de les 15:30 nin de les 16:15 hores.

 

Compra d´entraes