sub1SELECT imagen FROM sub_secciones_web WHERE id='47'
Facebook
Twitter
Youtube
App Móvil

Prepara la visita

Visites especializaes

El Centru d’Arte Rupestre de Tito Bustillo ufierta delles opciones de visites especializaes, siendo en tolos casos necesario acutar primero nos teléfonos 902 306 600/985 185 860 o al traviés del mail reservas@turismoycultura.asturias.es

 

Visites accesibles

Oxetivos: con estes actividaes búscase averar la nuestra ufierta cultural a les persones con dalgún tipu de discapacidá física, sensorial y/o intelectual, al traviés de visites axustaes a les sos necesidaes específiques.

Actividá: dientro del programa de visites guiaes accesibles desenvolviéronse delles modalidaes de visites:

  • Visites adaptaes pa persones con discapacidá intelectual. La visita guiada al Centru va adaptase a les necesidaes del grupu pa que pueda descubrir l’arte paleolíticu y bien d’aspectos de la vida na Prehistoria.
  • Visita con audiodescripción. Un guía espertu n’audiodescripción va acompañar a los visitantes con ceguera o discapacidá visual y a los sos acompañantes pel Centru.
  • Visita con intérprete de llingua de signos española. Les persones con discapacidá auditiva y los sos acompañantes van poder disfrutar xuntos d’esta visita adaptada onde’l nuestru intérprete va empobinalos esplorando’l potencial de la esposición y tolos sos detalles.
  • Visita pa persones mayores con necesidaes especiales. Diseñaes especialmente pa los mayores que quieran disfrutar d’esti espaciu únicu ensin prieses, al so ritmu… con un llinguaxe claru y afayadizu, pero ensin perder por eso nin gota de rigor.

Feches: esti serviciu ufiértase baxo demanda.

Preciu: tarifa reducida vixente.

Participantes: mínimu, 20; máximu, 50.

Condiciones: ríquese reserva previa.

Observaciones: el Centru dispón de material adaptao.

                                                                                       

Visita-taller n’idiomes "I’m 18.000 years old"

Actividá: visites y talleres n’inglés. Nivel B1 o equivalente. Esti serviciu ufiértase en dos formatos:

  • Pa visitantes estranxeros que quieran disfrutar de la visita nesi idioma.
  • Pa centros d’enseñanza (dptu. d’Inglés), Escuela Oficial d’Idiomes, Academies, etc. que quieran proponer una actividá complementaria a la formación recibida nos centros. Nesti últimu casu, l’actividá prepárase a midida en collaboración col profesor/a qu’acompañe al grupu.

Los talleres que se proponen nesta actividá son de pintura.

Feches: esti serviciu ufiértase baxo demanda.

Preciu: visites: tarifa reducida vixente; talleres: 1,60 €. Consultar exenciones nel preciu de la entrada pa centros d’enseñanza, amás de l’antelación necesaria pa formalizar la reserva.

Participantes: mínimu 20, máximu 40.

Condiciones: ríquese reserva previa nos teléfonos 902 306 600/985 185 860 o al traviés del mail reservas@turismoycultura.asturias.es

  

Visites pa xornada completa

Si quier pasar el día na zona, Ribeseya ufierta delles alternatives pa completar la xornada. Propónense trés opciones bien estremaes ente elles pa que’l públicu pueda escoyer la que meyor s’axuste a les sos necesidaes:

  • Itinerariu “A vista de páxaru”.
  • Visites pedagóxiques n’inglés o francés “Idioma+Patrimoniu”.
  • Pa los amantes del deporte, una aventura qu’empieza na Prehistoria y que remata en Ribeseya.

Más información, en Visites pa xornada completa.

 

Esperiencies didáctiques prehistóriques

P’aquellos grupos que nun dispongan de munchu tiempu pero que quieran esperimentar un averamientu a los talleres, el Centru d’Arte Rupestre ufierta la posibilidá de realizar un percorríu guiáu centráu n’aspectos perconcretos de la Prehistoria que va rematar con una interacción con dellos preseos prehistóricos y una muestra de delles técniques usaes polos nuestros ancestros.

Preciu: la entrada y visita de grupos d’enseñanza va ser gratuita cuando asina se pidiere al responsable del Centru con una antelación mínima de siete díes y s’autorizare por él.

El costu d’esta esperiencia ye de 1 euru por participante y puen escoyese dellos temes: pintura, música, arqueoloxía, caza, pesca o paleoxenética.

Nel marcu d’esta programación, ufiértase una esperiencia gratuita nueva en collaboración col Centru de Formación pal Consumu de Ribeseya.

Más información, n’Esperiencies didáctiques prehistóriques.

 

Visitas especializadas Centro Tito Bustillo