De febreru a xunu y setiembre de 2016: ¿Quién ye quién?
Nel nuesu particular yacimientu arqueolóxicu tenemos soterraos restos pertenecientes al Homo Sapiens y al Homo Neandertal. ¿Sabríes aldovinar a cuál d´ellos pertenecen les evidencies atopaes? ¿Cómo podemos saber los miles d´años que los separten? ¿Qué información nos apurren los sos restos depués de miles d´años? Si quies convertite nun auténticu arqueólogu, ¡anímate a participar!
2 y 3 de xunetu de 2016. Usu milenariu de l´aguya
Les ferramientes emplegaes polos primeres Homo Sapiens fueron evolucionando dende´l Paleolíticu hasta güei, pero munchos de los sos inventos fueron tan perfectos qu´apenes precisaron que los modificasen; ye´l casu de l´aguya. Apriende a coser con una d´estes aguyes como la fadría l´home prehistóricu pa iguar la so ropa d´abrigu.
Del 6 al 10 de xunetu de 2016. ¿Quién ye quién?
Nel nuesu particular yacimientu arqueolóxicu tenemos soterraos restos pertenecientes al Homo Sapiens y al Homo Neandertal. ¿Sabríes aldovinar a cuál d´ellos pertenecen les evidencies atopaes? ¿Cómo podemos saber los miles d´años que los separten? ¿Qué información nos apurren los sos restos depués de miles d´años? Si quies convertite nun auténticu arqueólogu, ¡anímate a participar!
Del 13 al 17 de xunetu de 2016. ¿Qué para qué?
Les ferramientes emplegaes polos primeres Homo Sapiens fueron evolucionando dende´l Paleolíticu hasta güei, pero munchos de los sos inventos fueron tan perfectos qu´apenes precisaron que los modificasen. ¿Sabríes aldovinar pa qué utilizaben los preseos que vos proponemos?
Del 20 al 24 de xunetu de 2016. Diana de caza
Los neños van poner a prueba la so puntería pa la caza tratando de cazar bisontes, mamuts, caballos y otros animales prehistóricos nuna diana mui orixinal.
Del 27 al 31 de xunetu de 2016. Abracadabra cabeza de cabra.
Emprestamos especial atención al arte mueble atopáu en Tito Bustillo: oxetos decorativos, ferramientes pa la caza o la pesca… Nel taller los más pequeños van decorar la so propia copia d´unu de los emblemes de Tito Bustillo: la cabeza de cabra.
Del 3 al 5 d´agostu de 2016. Títere-Tito
Crea una historia prehistórica nel taller nuevu que te propón el Centru d´Arte Rupestre de Tito Bustillo nel que vas construyir el to propiu Títere-Tito. Esti taller especial empieza cola construcción de títeres con motivos prehistóricos -vas poder escoyer ente animales o personaxes- pa rematar con una representación mui prehistórica nel teatrín del Centru.
Del 10 al 15 d´agostu de 2016. Arqueólogu per un día
Vamos averar a los más pequeños al trabayu del arqueólogu dende la escavación nel yacimientu a la investigación nel llaboratoriu.
Del 17 al 21 d´agostu de 2016. Dime ónde vives y voi dicite qué pintes
¿Cómo yeren les cases de los nuesos vecinos prehistóricos? Nesta actividá vamos conocer dalgún de los dibuxos qu´escuenden delles cueves como Llonín o La Cueva Covaciellas y vamos tratar de recrear les técniques utilizaes: tamponáu, grabáu, aerografía…
Del 24 al 31 d´agostu de 2016. Saca un selfie neandertal
Los Neandertales son quiciabes los homes prehistóricos que más fascinación llevanten ¿Realmente yeren tan distintos a nós? ¿Imaxíneste cómo sería atopate con unu d´ellos anguaño? Al traviés d´un programa informáticu ye posible, vamos dir modificando cada unu de les tos traces hasta que te conviertas nun auténticu Neandertal.
Empobináu a: neños d´ente 4 y 11 años.
Horarios:
Duración: 45 min.
Preciu taller: 1,60 €. Nun ye mester adquirir la entrada al Centru d´Arte Rupestre pa participar nesta actividá.
Nun se realiza reserva previa.