Facebook
Twitter
Youtube
App Móvil

Arte rupestre n´Asturies

Asturies ye rica en testimonios de la última fase del Paleolíticu, dende´l 35.000 hasta 9.000 años antes del presente, siendo les pintures y grabaos que podemos reparar nes parés de delles cueves, buelgues inequívoques de la esistencia de grupos de cazadores y recoyedores del Paleolíticu Superior.

Bona amuesa d´esti tipu d´arte parietal podemos atopalo na nuesa rexón. Les más representatives son, amás de les pintures y grabaos topaos na cueva de Tito Bustillo, les alcontraes nes siguientes cueves:

  • Cueva del Pindal (Conceyu de Ribadedeva). 
  • Cueva del Buxu (Conceyu de Cangas de Onís). 
  • Cueva de la Loja (Conceyu de Peñamellera Baja). 
  • Cueva de la Peña de Candamo (Conceyu de Candamo). 
  • Cueva de la Lluera (Conceyu d´Oviedo). 

Estos restos arqueolóxicos son un exemplu de l´actividá de les distintes comunidaes prehistóriques, qu´amodo se fueron convirtiendo en sociedaes cada vez más sedentaries, frutu de la so evolución y adaptación al mediu que les arrodiaba.

Puede consultase más información sobre les cueves prehistóriques asturianes, los sos horarios y accesos, na web de Turismo Asturias.