Facebook
Twitter
Youtube
App Móvil

Visites al Centru d´Arte Rupestre

El Centru d’Arte Rupestre ye un equipamientu dedicáu a la divulgación de los conxuntos artísticos de la Cueva d’El Pozu’l Ramu, onde los visitantes puen conocer cuándo foi’l descubrimientu de la cueva, quién la habitaron o cómo son les muestres d’arte rupestre que caltién dientro d’ella.

Pue visitase:

 

Individuales:

Por llibre: Ye una visita bien accesible pa facer de manera autónoma, dexándose empobinar polos distintos tipos d´elementos espositivos. Amás, na recepción del Centru va apurrise al visitante una guía de mano que-y va valir de sofitu mientres el percorríu. Esta información ta disponible en distintos idiomes.

Con audoguía (al traviés d´aplicación móvil): garrando como base una aplicación móvil, el veceru pue descargar el percorríu en dellos idiomes: castellanu, inglés, francés y alemán. El Centru dispón tamién de dalgún terminal n´empréstamu.

Visita guiada: d´unos 45 min. aprosimao de duración. Horarios:

  • Del 1 al 29 de febreru y del 2 de payares al 31 d´avientu de 2020: fines de selmana y festivos, a les 13:30 h.
  • Del 1 de marzu al 30 de xunu y del 1 de setiembre al 1 de payares de 2020: fines de selmana y festivos, a les 13:00 y 16:45 h. 
  • Del 1 de xunetu al 31 d´agostu de 2020: de miércoles a domingu, a les 11:30, 13:00 y 17:30 hores. Cerrao: 8 y 9 de agostu.

El Muséu acútase´l derechu a modificar delles d´estes frecuencies.

Con visita-taller: ye posible completar la visita al Centru con un taller, actividá que tien como oxetivu dar un enfoque distintu a la interpretación del patrimoniu arqueolóxicu y prehistóricu. 

Pue sacase la entrada online pal Centru d’Arte Rupestre, nesti enllaz: venta d’entraes onlineCola entrada adquirida pue accedese al Centru Tito Bustillo a lo llargo del so horariu d’apertura, independientemente de la hora que figure na entrada adquirida. Aconséyase entrar polo menos una hora primero de que pieslle. 

 

Grupos:

El Centru d´Arte Rupestre pon a disposición de los grupos delles posibilidaes de visita, siendo en tolos casos necesaria la so reserva previa (Tfnu. d´información y reserves: 902 306 600/985 185 860).

Por llibre: cola ayuda d´una guía de mano que se va facilitar al mercar la entrada.

Visita guiada: d´unos 45 min. aprosimao de duración.

Visita guiada + taller: recorríu pol Centru d´Arte Rupestre y participación d´un taller temáticu.

Visites accesibles: con estes visites búscase averar la ufierta cultural del Centru a les persones con diversidá funcional al traviés de percorríos adaptaos a les sos necesidaes: 

  • Visites adaptaes pa persones con discapacidá intelectual. La visita guiada al Centru va adaptase a les necesidaes del grupu pa que pueda descubrir l’arte paleolíticu y bien d’aspectos de la vida na Prehistoria.
  • Visita con audiodescripción. Un guía espertu n’audiodescripción va acompañar a los visitantes con ceguera o discapacidá visual y a los sos acompañantes pel Centru.
  • Visita con intérprete de llingua de signos española. Les persones con discapacidá auditiva y los sos acompañantes van poder disfrutar xuntos d’esta visita adaptada onde’l nuestru intérprete va empobinalos esplorando’l potencial de la esposición y tolos sos detalles.
  • Visita pa persones mayores con necesidaes especiales. Diseñaes especialmente pa los mayores que quieran disfrutar d’esti espaciu únicu ensin prieses, al so ritmu… con un llinguaxe claru y afayadizu, pero ensin perder por eso nin gota de rigor.

Visita guiada o visita-taller n’idiomes: en payares, avientu y febreru, el Centru d’Arte Rupestre ufierta la posibilidá de facer la visita guiada a la esposición permanente o al taller "Pintamos con arte" n’idiomes inglés o francés (Nivel B1).

Visites pa xornada completa: si se quier pasar el día na zona, Ribeseya ufierta delles alternatives pa completar la xornada. Delles empreses de turismu activu ufierten diverses actividaes, como rutes ornitolóxiques, cursu de manexu de la canoa y posterior baxada d’El Ríu Sella, descensu de barrancos, espeleoloxía, cursos de surf, rutes a caballu, rutes en lancha, paintball o coasteering. Na web oficial de Turismu de Ribeseya pue alcontrase la llista d’empreses qu’ufierten esta clas d’actividaes na zona.