Facebook
Twitter
Youtube
App Móvil

Cueva d’El Pozu’l Ramu, patrimoniu mundial

La Cueva d’El Pozu’l Ramu ye unu de los conxuntos rupestres mundiales del arte paleolíticu. El 7 de xunetu de 2008 el Comité de Patrimonio Mundial incluyó esti xacimientu nel so selectu llistáu de Patrimonio Mundial con otres cuatro cueves asturianes (El Pindal, La Peña de Candamo, Llonín y La Covaciella) y doce más de Cantabria y País Vascu.

La necesidá de preservar y caltener l'escepcional patrimoniu de la Cueva y la dificultá pa llegar a la mayoría de los conxuntos artísticos motivaron la creación del Centru d'Arte Rupestre de Tito Bustillo.

Esti Centru naz coles mires de convertise nun gran equipamientu d'espardimientu y estudiu de la vida y producción artística de la Cueva d’El Pozu’l Ramu, con referencia a otres cueves d'Asturies y al traviés d'una esposición moderna y novedosa que dexa una meyor conocencia de les manifestaciones artístiques de los nuesos antepasaos.

 

 

logo-unesco-arte-rupestre