Tito Bustillo Centro de Arte Rupestre

Esposición permanente

Área 1. Y al descolgase per una torca… una xoya del arte paleolíticu

El descubrimientu de la cueva produciose en 1968 mientres una esploración espeleolóxica fecha por miembros del grupu de monte Torreblanca acompañaos de dos rapazos riosellanos.

Nesta zona recuerdase la repercusión nos medios de comunicación d'esti fechu y amuésase l'archivu gráficu calteníu, con semeyes de la cueva nesi momentu ya imaxes de los descubridores. La parte gráfica completase con un audiovisual del testimoniu de los protagonistes del afayu, 40 años dempués de que se produxera esti fechu.

Bríndase una mención especial a Celestino Fernández Bustillo, que finó unos díes dempués del descubrimientu, fechu que motivó dar el so nome -Tito Bustillo- a esta cueva conocida enantes como Pozu´l Ramu.

La sala presenta cascos y carburos cedíos polos descubridores, amás de piolés y cuerdes utilizaes davezu polos grupos de monte y espeleoloxía.

 

Equipamiento cofinanciado por: